राजबहादुर कुँवर

 आँखा फुटाउनु होस् दृष्टि अरुकै चाहिन्छ भने । ...
 गोढा कुञ्ज्याउनु होस् सृष्टि अरुकै चाहिन्छ भने ।

फूलका निम्ति माटो चलाउन जाँगर छैन हातमा
 भाँचिदिनुहोस् पसिनाको बृष्टि अरुकै चाहिन्छ भने ।

 रगत बेचेर सहिदको कुन खुसीको संसार किन्छौं ?
 बेच्नुहोस् सगरमाथा सन्तुष्टि अरुकै चाहिन्छ भने ।

शीर छैन मेरो, मुटु छैन मेरो भन्नु पर्छ तैले मान्छे
 यो देश कस्तो हुन्छ ? आकृति अरुकै चाहिन्छ भने ।