कबितांस/क्वान्टम-कबिता श्रृंखला शभ्य

पहाडको- 

मधु माधुर्य
खहरे झोलाको कलकल बिर्सो 
चराचुरिंगीको चिरबिर बिर्सो  
हिमाली सिरेटोको सुसेली बिर्स्यो!

कानमा स्काइप, ओभो मेसेन्जरको तर जोडेर
आफनै आवाजमा सभ्यताको कर्कस-प्रतिध्वनि सुन्ने अभ्यस्ततामा !


तराईको-

समथर हरियाली फाँटहरु बिर्स्यो
तन्टलापूर्ण घामको  रापिलो अंगालो बिर्स्यो
नरिवल र झरिलो आँपआदिको स्वागत्-द्वार बिर्स्यो
आँखामा फेसबुक, ट्वूटर र गुगल प्लस टाँसेर
सभ्यताको गफ चुट्ने चौतारीमा घुर्ने असभ्यतामा ! 


पखेताको शभ्य
शभ्य बाट यान्त्रिक 
यान्त्रिक बाट जंगली
जंगली बाट  फेरी*****??
*****बाट फेरी......मान्छे ?
उत्तर-आधुनिक कालचक्र:
डाभिनको 'इभ्युलेशन' प्रतिर्दशनको साक्षात्कार !!!
 सब्यताको तथ्याँङ्कीत पात्र।

 साथीहरु-

 इन्दोज अपरेटिंग शिष्तम बात चल्ने 
( हेर्दा ओरिजिनल देखिने) सेकेंदहंदा कम्प्युटर हौँ 
हामीलाई च्याम्पटी घुमाउने चोर औंलाहरुले 
कुनै पनी बेला हाम्लाई निभाउन/बाल्न सक्छन 
हाम्रा 'मुड/अन अफ ' गर्ने धेरै एैतिहासिक बटनहरु छन् त्यहाँ !
हामीभित्र स्थापित प्रोग्राम/ 'सफ्टवयरहरुको बट्टामा'
'मेड इन इन्दिया चाइना, अमेरिका' लेखिएका..छन्।

युट्युबमा हाम्रो बिकाशको (एनिमेसन)
भत्के सगरमाथा 
वा टुटेको धरहरा 
हामी गरिबीको/दरिद्रताको सस्तो अनलाइन बिज्ञ्यापन गरिरहेछन्  
प्रत्यक  क्लिकहरु/ प्रत्यक थोपा आँशुको 'रियालिटी सो' पछ्याइरहेछन्।
किन यो बेला लोडसेडिंग हुँदैन ? 


हाल:  मस्को, रसिया