गजल


स्याङ्जाली रमेश
 ठुलो चाड आयो भन्छन मलाई खुशी खासै  छैन
यो दशैं'नि प्रबास तिर मान्न उती चासै छैन।

आशिषमा रमाउने मन नभाको कहाँ हो र
 बिदेशमा अल्झिनाले स्वदेशमा बासै छैन।

मिठो खाई राम्रो लाउने परदेशमा  स्वप्ना मेरो 
कामै कामले व्यस्त हुँदा टन्न खाने गासै छैन।

तड्पी'राको बिदेशमा म मात्र त कहाँ हो र ?
साथि सँगी कसैको'नी मुहारमा हाँसै छैन

सम्हालेर मनलाई चित्त बुझाउन भने पनी
जमरा त कठै बारा यो भुमिमा घाँसै छैन।
 मुग्लान पसेको परारै हो बाध्यताको भुमरीमा
रुँदै गए दशैँहरु आउँदो साल नी आशै छैन।
       
           - मरुभूमिको छातीबाट 
             अर्जुन्चौपरी,स्याङ्जा
              ई-मेल : rmsryal@gmail.com