गजल


के दशैं भन्नु लौन ऋणमा गलेर गयो नि  
निभेको बत्ति पीडाको फेरी बालेर गयो नि।

हाँसे'नि सबै म भने झनै दुख्दैछु हजुर 
बर्सी नै घोच्ने मुटु मै, झिर हालेर गयो नि।

कमाई धन ठाटेको मैले स्वप्नको महल 
काँ'हुन्थो पुरा एैले त झनै, ढालेर गयो नि।

लाला र बल रुँदै छन् कठै दु:खी छ जहान
दैबले दुख दरिद्री माथि, फालेर गयो नि।

पोहोर पनि दुखेरै बित्यो परार पनि रोयर 
यो साल हाँस्ने ती सारा इच्छा, पालेर गयो नि।  

            -भुमीको छातीबाट....