गजल

           -रुद्र मिश्र
बगैंचाको फूलभन्दा मग्मगाउने तिमी  नै हो ।
आकाशका ताराभन्दा टल्पलाउने तिमी नै हो ।

टाढा भएँ भन्छौ किन छातीभित्र लुकीलुकी ?
सधैभरी मनमा मेरो सल्बलाउने तिमी नै हो ।

जिन्दगीमा सधै मेरो औसीरात छायो भन्छौ
पूर्णिमाको ज्योती छर्दै जग्मगाउने तिमी नै हो ।

माया विना कहाँ हुन्छ संसारको सार यहाँ
शंका गरि प्रितसँग डग्मगाउने तिमी नै हो ।

मलाई तिम्रो जवानीको नशा चढ्न बाँकी हुँदा
बैंशालु त्यो मात प्यूदै लर्वराउने तिमी नै हो ।


                                   पाँचथर
                             हाल : मलेसिया