प्रस्ताव

Gorkhesailo,  Rishi, Prasad, लामिछाने, Lamichhane
गोर्खे साइँलो
पल्लव साहित्य पत्रिकाको
सम्पादक हुनुहुन्छ
पूनः प्रकाशित छन्द कविता  
लेखेथेँ कविता त्यही समयमा घुम्दै पुगी पूर्वमा
आयो याद यहाँ खुलेर मनमा शब्दार्थकै सम्झना ।
सम्झी शब्द सबै निशब्द नहुने पाना भरी लेख्दछु
दृष्टी गोचर झैँ बगेर सपना बाढी सरी देख्दछु ।।


मिथ्याकार्य भयो अचानक भने दुःखी हुनेमा म छु
प्यारो मित्र सधैँ प्रगाढ रहनू यौटै कुरा भन्दछु ।
भन्नैपर्छ भने गमेर कहनू मेरो कुरा यो भनी
झुट्टाशब्द कुनै नसोच्नु मनमा गाह्रो परेता पनि ।।

पाए साथ मिठो रमेर बसुँला प्यारी सँगै साथमा
माया-मोह पुरा म गर्छु मनले रात्री, दिवा, प्रातमा ।
यौटा सुन्दर यामयो लगनमा सिन्दूर छ यो माथको
हाम्रो कार्य पुरा सबै हुन पुगे इच्छा सँगै साथको ।।

हाम्रो याम सबै मिठा हुन पुगे हाँसौँ रमाई अव
चिन्ता ब्यर्थ यहाँ नलेउ मनमा पुग्ने छ इच्छा सब ।
नौलो जीवनको नयाँरथ यहाँ हाँकौँ रमाई वरू
होला पूर्ण सबै मनोरथहरू बाँकी रहेका अरू ।।

पूर्वै-पश्चिमको निर्रथक यहाँ नाता बन्यो जिन्दगी
लिङ्गे पीङ सरी मिलेर दुइले मच्चाउँ है बेस्सरी ।
पानी-घाटसरी विशाल वहने माया नदी सुन्दर
अङ्गालो कसिलो बनाउ दिलले मीठो अरू केछर ?।

                      – गोर्खे साइँलो
छन्दः शार्दूल विक्रीडित छन्द, म स ज स त त गु

१९ अक्षर -sss.।।s.।s।.।।s.ss।.ss।.s) १२.७ मा विराम
साभार पल्लव साहित्य पत्रिका बाट