गजल 

                                           नरेश रोकाहा 

चढेको त्यो नशा मात्रै पिएको मात तिम्रै हो

झरेको फूल टिपी पींडा नठान्ने हात तिम्रै हो

तिमीलेनै रची छाड्यौ एकोहोरो कहानी यो

रमाएरै खुसी मानी म रम्ने साथ तिम्रै हो

उमंगमा पिरै बिर्सी भरेका ती तिनै पाना

तखातामा सजाएका चिठीका खात तिम्रै हो

रुदै जल्दै सधै एक्लै तिमी हाँस्ने जुनेलीमा

म हारे जल्छु पींडा यी नभुल्ने बात तिम्रै हो

जवानीमै नफक्रेको झरेको फूल भएँ आँफै

बसन्तैमा मनै जल्दा नढल्ने रात तिम्रै हो

बहर  –हजज