"गीत" एकताको आह्वान


आजै देखि भेदभावका,चर्चा कहीं नचलाउँ है|
नेपालको स्वाभिमानी,उच्च शिर नढलाउँ है |

उस्तै मुटु उस्तै शिरा,उस्तै रातो रगत हाम्रो
हत्या हिंसा सबै त्यागी,एक जुट भ'कै राम्रो|
नेपालीले नेपालीलाई ,ठगि यहाँ नदलाउँ है
नेपालको स्वाभिमानी,उच्च शिर नढलाउँ है|

बिन्ती गर्छु हे नेपाली,आफु आफै नलड़ौँ न
कसैलाई हेपी कोहि , शिर माथी नचड़ौँ न  |
विप्लवको डंडेलोले  ,जन्मभूमि नजलाउँ है
नेपालको स्वाभिमानी,उच्च शिर नढलाउँ है|

आजै देखि भेदभावका,चर्चा कहीं नचलाउँ है|
नेपालको स्वाभिमानी,उच्च शिर नढलाउँ है |




सुवास संगम राई
लोखिम - ३ सोलु